محکمہ اعلیٰ تعلیم خیبر پختونخوا گریڈ 20 کی خاتون آفیسر گھر پر جبکہ گریڈ19کی جونیئر ٹیچرز شہر کے مختلف کالجز میں پرنسپل کی سیٹس پر براجمان ہیں دوسری جانب ڈائریکٹریٹ آف ہائیر ایجوکیشن خیبر پختونخوا میں گریڈ بیس کے ڈائریکٹر کا عہدہ بھی گزشتہ سات مہینوں سے خالی پڑا ہے جس کا عارضی چارج گریڈ انیس کے ظہور الحق کے حوالے کر دیا گیا ہے
مستقل ڈائریکٹر نہ ہونے کے باعث ڈائریکٹریٹ آف ہائیر ایجوکیشن خیبر پختونخوا کو شدید انتظامی بحران کا سامنا ہے جبکہ پشاور میں کئی فی میل کالجز مستقل پرنسپل کے بغیر چل رہے ہیں جس کے باعث تعلیمی اداروں کو انتظامی اور تعلیمی مسائل کا سامنا کرنا پڑ رہا ہے ہائر ایجوکشن ڈیپارٹمنٹ کے ایک افسر نے نام ظاہرنہ کرنے کی شرط پر بتایا کہ تقرریوں میں تاخیر کی ذمہ دار بیوروکریسی نہیں بلکہ سیاسی مداخلت ہے جس کی بناء پر سات ماہ تک محکمہ اعلی تعلیم کے ڈائریکٹریٹ میں مستقل ڈائریکٹر کی تعیناتی نہ ہو سکی اور سابقہ ڈائریکٹر ہائیر ایجوکیشن خیبر پختونخوا عبدالوہاب خان کے جانے کے بعد ڈائریکٹر کا عہدہ تاحال خالی پڑا ہے جبکہ اسی طرح شہر میں واقع کالجز میں مستقل پرنسپلز کی تعیناتیاں بھی نہیں ہو رہیں
، ذرائع کے مطابق گرلز کالج ڈبگر ی گارڈ ن پشاور میں گریڈ 20پرنسپل کی سیٹ پر گریڈ انیس کی ٹیچر جبکہ گرلز کالج زریاب میں بھی گریڈ بیس پرنسپل کی سیٹ پر گریڈ انیس کی ٹیچر کو تعینات کر دیا گیاہے اور گریڈ 20کی خاتون پروفیسر نجمہ کو گزشتہ تین مہینوں سے گھر بٹھایا گیا ہے جس کی تاحال تقرری نہ ہو سکی ،محکمہ اعلیٰ تعلیم کی عدم دلچسپی کے باعث پشاور میں واقع گرلز کالجزمستقل پرنسپل سے محروم ہیں اور وہاں پر گریڈ انیس کی خاتون ٹیچرز کو پرنسپل کے عہدوں پر تعینات کر دیا گیا ہے ذر ائع کے مطابق اس وقت صوبے کے کئی سرکاری ،میل ،فیمیل کالجز مستقل پرنسپلز کے بغیر چل رہے ہیں جس کے باعث تعلیمی اداروں کو انتظامی اور تعلیمی مسائل کا سامنا کرنا پڑ رہا ہے
