افغانستان میں مسلح افراد کی فائرنگ، خاتون صحافی ملالہ میوند قتل

افغانستان میں نامعلوم مسلح افراد نے جلال آباد شہر میں مقامی ٹی وی چینل کی خاتون صحافی ملالہ میوند کو فائرنگ کر کے قتل کر دیا ہے۔

نیوز کاسٹر منسلک ملالہ میوند جمعرات کی صبح گھر سے دفتر آ رہی تھیں جب نامعلوم حملہ آوروں نے ان کو نشانہ بنایا۔

رپورٹ کے مطابق ملالہ میوند کے ساتھ گاڑی کے ڈرائیور محمد طاہر بھی فائرنگ کی زد میں آئے اور زخموں کی تاب نہ لاتے ہوئے موقع پر ہی ہلاک ہو گئے۔

افغانستان میں جرمن سفارت خانے نے ایک ٹویٹ میں ملالہ کے قتل کی مذمت کی ہے۔

ملالہ میوند پر حملے کی ذمہ داری طالبان سمیت کسی بھی گروپ نے تاحال تسلیم نہیں کی۔

افغانستان میں حالیہ عرصے میں صحافیوں اور میڈیا سے وابستہ کارکنوں پر حملوں میں اضافہ دیکھنے میں آیا ہے۔

گزشتہ ہفتے الیاس دائے جو ریڈیو آزادی سے منسلک تھے کو جنوبی صوبے ہلمند میں بارودی سرنگ سے کیے گئے دھماکے میں قتل کیا گیا۔ کابل میں اسی طرح کے ایک دھماکے میں طلوع نیوز کی ایک سابق خاتون نیوز کاسٹر یاما سیاوش کو بھی قتل کیا گیا تھا۔