خزانے پر پنشن بوجھ کم کرنے کیلئے صوبائی حکومت کا اصلاحات کا فیصلہ
وفاقی حکومت کی طرز پر خیبر پختونخوا میں بھی خزانے پر پنشن کا بوجھ کم کرنے کے لئے صوبائی حکومت نے اصلاحات کا فیصلہ کیا ہے
عالمی بینک اور خیبر پختونخوا حکومت اصلاحات پر اتفاق رائے ہونے کے بعد عملی کام شروع کردیا جائے گا ذرائع کے مطابق خیبر پختونخوا کابینہ میں اتفاق رائے ہونے کے بعد پنشن ریفارمز پلان کی تیاری کی منظوری دیدی جائیگی جو عالمی بینک کی تیاری اور عمل درآمد میں مدد دیگی
خیبر پختونخوا حکومت کے پنشن بجٹ میں ہر سال اضافہ ہو رہا ہے جبکہ سرکاری ملازمین میں قبل از وقت ریٹائرمنٹ لینے کے باعث بھی طے شدہ بجٹ سے ادائیگی کرنے میں مشکلات کا سامنا کرنا پڑ رہا ہے صوبائی حکومت کی جانب سے سرکاری ملازمین کی عمر کی حد بڑھانا بھی اسی عمل کا تسلسل ہے ذرائع نے بتایا ہے کہ سپریم کورٹ میں صوبائی حکومت کے حق میں فیصلہ آنے کے بعد ہائی کورٹ میں کیس کی سماعت دوبارہ جلد شروع ہونے کے امکانات ہیں
صوبائی حکومت نے موقف اختیار کیا ہے کہ سرکاری ملازمین کی ریٹائرمنٹ کی عمر کی حد میں اضافہ کے باعث پنشن کی ادائیگی میں صوبائی حکومت کی مشکلات میں کمی آئیگی ۔
