ٹیچنگ سٹاف اسلامیہ کالج پشاور کار کلاسز سے بائکاٹ کا اعلان

ٹیچنگ سٹاف اسلامیہ کالج پشاور نے الٹی میٹم دیا ہے کہ اگر یکم مارچ تک کنٹریکٹ اساتذہ کو کنٹریکٹ میں توسیع اور دیگر مسائل حل نہ کیے گئے تو تمام تعلیمی سرگرمیوں اور کلاسز سے بائکاٹ کرینگے اس بات کا فیصلہ ایسو سی ایشن کے ایمر جنسی جنرل باڈی اجلاس میں کیا جسکی زیر صددرت ڈاکٹر دلنواز خان منعقد ہوا اجلاس میں کثیر تعداد میں ممبران نے شرکت کی اجلاس میں کنٹریکٹ اساتذہ کے مسائل اور ان کے کنٹریکٹس میں توسیع نہ دینے پر تفصیلی گفتگو ہوئی۔ اجلاس میں متفقہ طور پر قرار داد منظور کی کہ اگر یونیورسٹی انتظامیہ نے یکم مارچ پیر تک اساتذہ کے کنٹریکٹ کی توسیع نہیں کی تو اساتذہ کی طرف سے پیر کو  اسلامیہ کالج میں تمام تعلیمی سرگرمیوں کا بائیکاٹ کرینگے اور بائیکاٹ سے طلباء کا قیمتی وقت ضائع ہو گا جسکی ساری ذمہ داری انتظامیہ پر عائد ہو گی۔