آئین نیوز: پاکستان سپر لیگ (پی ایس ایل) کی پسندیدہ ترین ٹیم پشاور زلمی کے چیئرمین جاوید آفریدی نے مداحوں سے مشہور ترکش ڈرامے ارطغرل غازی کے اداکاروں کو ٹیم میں بحیثیت ایمبیسیڈر شامل کرنے کے لیے تجویز مانگ لی۔
یکم جولائی کو پشاور زلمی کے چیئرمین جاوید آفریدی نے اس حوالے سے ایک ٹوئٹ کی۔جاوید آفریدی نے کہا کہ اگر ارطغرل غازی پشاور زلمی کی ٹیم میں برانڈ ایمبیسیڈر کے طور پر شامل ہوں تو؟
بعدازاں انہوں نے تین جولائی کو پرانا ٹوئٹ کو ری ٹوئیٹ کرتے ہوئے لکھا کہ اگر ہم یہی پیشکش حلیمہ سلطان کو بھی کریں؟چیئرمین پشاور زلمی جاوید آفریدی کے اس ٹوئٹ پر صارفین کی جانب سے کمنٹس کاکا بھر مار شروع ہوگیا۔ایک ٹوئٹر صارف وقاص احمد نے لکھا کہ ‘پھر ہمیں لاہور ٹیم کے لیے سعد الدین کوپیک چاہیے۔
بوم بوم شاہد خان آفریدی کے مدارح عباس نے لکھا کہ ہمارے لیے لالا ہی سب کچھ ہے۔رابعہ چوہدری لکھتی ہیں کہ ‘بھائی آپ تو ڈونلڈ ٹرمپ بھی لا سکتے ہیں آپ سے کوئی بحث نہیں۔ایک اور صارف لکھتی ہیں کہ اگر آپ ایسا کر سکتے ہیں تو میں بھی اس بار پشاور زلمی کو ہی سپورٹ کرنے پر مجبور ہو جاؤں گی۔
کچھ ٹوئٹر صارفین نے تو ٹیموںکے نام بھی ارطغرل ڈرامے کے کرداروں سے منسوب کرتے ہوئے لکھا کہ پھر تو پاکستان سپر لیگ ٹیموں کے نام بھی بدل جائیں گے
