448

پی آئی اے کا طیارہ کراچی ایئرپورٹ کے قریب گرکرتباہ


لاہور سے آنے والا پاکستان انٹرنیشنل ایئرلائن کا طیارہ کراچی ایئرپورٹ کے قریب گرکرتباہ ہوگیا۔ پی آئی اے کا طیارہ لاہور سے کراچی آرہا تھا جو کراچی ایئرپورٹ کے قریب ماڈل کالونی میں گرکرتباہ ہوگیا۔دوسری جانب سول ایوی ایشن کی ٹیمیں حادثے کی جگہ روانہ ہوگئیں ہیں۔کراچی ایئر پورٹ کے قریب پاکستان انٹرنیشنل ایئر لائن کا طیارہ گر گیا، سکیورٹی فورسز نے علاقے کو گھیرے میں لے لیا۔ پی آئی اے کی لاہور سے کراچی جانے والی پرواز 8303 کو حادثہ ماڈل کالونی کے علاقے میں پیش آیا، سول ایوی ایشن کی جانب سے ایمرجنسی نافذ کر دی گئی، 80 سے 90 کے قریب مسافر طیارے میں سوار تھے، کورونا کے باعث مسافروں کی تعداد زیادہ نہیں تھی۔عینی شاہد کا کہنا ہے طیارے کو حادثہ 2 بج کر 35 منٹ پر پیش آیا، رن وے اور آبادی کے درمیان ایک روڈ کا فاصلہ ہے جہاں طیارہ گر کر تباہ ہوا۔

اس خبر پر اپنی رائے کا اظہار کریں