آئین نیوز: شیخو پورہ میں کوسٹر اور ٹرین کے درمیان تصادم میں پشاور کے 17سے زائد سکھ چل بسے ، زندگی کی بازی ہارنے والوں میں چار بھائی ، تین بہنیں اور ایک ہی گھرکی تین خواتین اور ایک خاندان کے پانچ افرا د بھی شامل ہیں۔
شیخوپورہ میں ٹرین حادثے کا شکار ہونے ہونیوالی ریل گاڑی میں ہلاک ہونیوالے چاروں بھائی سکھ حکیم تھے ، واقعے کے بعد جوگن شاہ محلے میں قیامت خیز مناظر سامنے آئے، ٹرین حادثے میں جن 17افراد کی تصدیق کی گئی ہے ان میں کاکا سنگھ ، پون کورزوجہ کاکاسنگھ،جئے سنگھ ،پیپندر سنگھ ،دلجیت کور،منیندر سنگھ ،ہرپریت کور،بلبیر سنگھ ،مہنت کور،اپلجیت سنگھ،ہرمیت سنگھ،امریت سنگھ،ستاپال کور،رویندر سنگھ ،مہمان کور،دلجیت کوراورجئے کور شامل ہیں۔ٹرین حادثے کا شکار ہونے والوں کی آخری رسومات کل ادا کی جائیں گی ۔
واضح رہے کہ صوبہ پنجاب کے علاقے شیخوپورہ میں فاروق آباد پھاٹک کے قریب مسافر ویگن کراچی سے لاہورجانے والی ٹرین شاہ حسین ایکسپریس کی زد میں آگئی جس کے نتیجے میں 20 افراد ہلاک اور 8 زخمی ہوگئے۔
