پشاور کے نواحی علاقے شاہ پور میں دوستی نہ کرنے پر جوانسالہ چنگ چی رکشہ ڈرائیور کو قتل کردیاگیا جوانسالہ گل رحمان کو آہوں اور سسکیوں میں سپرد خاک کردیا گیا انکی نعش گھر منتقل ہونے پر شدید کہرام مچا سولہ سالہ گل رحمان کے والد کے مطابق گل رحمان چنگ چی چلاکر گھر والوںکا پیٹ پالتا تھاتاہم چار روز قبل گل رحمان اچانک لاپتہ ہو گیا جس کی ایف آئی ار تھانہ شاہ پور میں درج کی گئی،
تاہم گزشتہ شب اس کی لاش گھر کے قریب کھیتوں سے برآمد ہوگئی جس پر پولیس نے کارروائی کرتے ہوئے اس کے قریبی رشتہ دار ملزم شیر اکبر کو گرفتار کر لیا۔گرفتار ملزم نے نوجوان کو دوستی نہ کرنے پر قتل کرنے کا اعتراف کرلیا۔ ایس پی رورل سجاد خان کے مطابق واقعے کی تحقیقات جاری ہیں گرفتار ملزم نے بچے کیساتھ دوستی نہ کرنے پر قتل کر کے لاش کھیتوں میں پھینکنے کا انکشاف کیا ہے۔ پشاور سمیت صوبے بھرمیں دوستی نہ کرنے پر بچوں کو قتل کرنے کے واقعات میں اضافہ ہو رہا ہے ۔
