صوابی۔۔گدون گندف کےا یریا ڈاڈر میں پراسرار بیماری سے درجنوں بکریاں،گائے ہلاک جس سے لاکھوں روپے کا نقصان جبکہ محکمہ لائیو سٹاک کی طرف سے موجودہ شفا خانوں میں ڈاکٹر تک نہیں علاقے کے سیاسی سماجی حلقوں نے ٹیمیں بھیجنے کی اپیل کردی تفصیلات کے مطابق علاقہ گدون گندف تربیلہ جھیل کے کنارے ڈاڈر علاقے میں کوہستان وغیرہ سے آئے ہوئے خانہ بدوشوں کے ساتھ جو مال مویشیاں آئی ہے
ان میں کسی وائرس کی وجہ سے علاقے میں بیماری پھیل گئی ہے جس سے خانہ بدوشوں کی اپنی بھی درجنوں بکریاں اور اردگرد علاقے کے مکینوں کی بھی بکریاں اور گائے اس پراسرار وائرس کی وجہ سے ہلاک ہوگئی ہے جس سے لاکھوں کا نقصان ہوا گندف، سرکوئی ، ڈاڈر، ڈیرو میں بھی اس مرض سے حیوانات متاثر ہوئے ہیں جبکہ ان ہی علاقوں میں جوشفاخانے ہیں ان میں ڈاکٹر تک نہیں جس کی وجہ سے علاج میں تاخیر ہے علاقے کے عوامی سیاسی حلقوں نے صوبائی حکومت سے موبائل ٹیمیں بھیجنے کی اپیل کی ہے
