بھانہ ماڑی کے رہائشی بھٹہ خشت میر رحمان نے نئے نظام کے حوالے سے ڈیڈ لائن میں دو سال کا عرصہ مقرر کرنے کا مطالبہ کیا ہے ۔ پشاور پریس کلب میں میر رحمن نے پریس کانفرنس کرتے ہوئے کہا کہ میرا باڑہ روڈ پر اینٹیں بنانے کی بھٹی ہے اور عرصہ دراز سے کاروبار سے وابستہ ہوں ہو چونکہ اینٹ پکانے کیلئے کوئلہ ،ربڑ وغیرہ کا استعمال ہوتا ہے
جس سے فضائی آلودگی پھیلتی ہے اس لئے حکومت نے فضائی آلودگی روک تھام کے سلسلے میں چندد ن قبل نوٹس جاری کیا ہے کہ بھٹہ خشتوں کا پرانا نظام 10مارچ تک ختم کر کے جدید بھٹہ خشتوں کا نظام شروع کیا جائے تاکہ آلودگی میں کمی واقع ہو ۔ انہوں نے کہا کہ حکومت کی جانب سے دی گئی ڈیڈ لائن بہت کم ہے اور غریب بھٹہ خشت مالکان جدید بھٹیوں کے نظام کیلئے لگنے والی مشین اورد یگر آلات خریدنے سے قاصر ہیں کیونکہ وہ بہت مہنگی ہیں اور حکومت نے بہت کم وقت دیا ہے ۔
