آئین نیوز: سعودی عرب میں کرونا وائرس کا شکار خواتین کے ہاں 25 بچوں کی پیدائش ہوئی ہیں۔سعودی عرب کے ڈائریکٹوریٹ جنرل برائے صحت نے بتایا ہے کہ مدینہ منورہ میں کرونا کا شکار ہونے والی حاملہ خواتین کے ہاں 25 بچوں کی پیدائش ہوئی۔
میڈیارپورٹس کے مطابق مدینہ منورہ میں قائم احد اسپتال کی ظبی عملے نے بتایا کہ حاملہ خواتین کے بچوں کی پیدائش کے مراحل کے موقعے پر کرونا وائرس سے بچائو کے تمام ضروری اقدامات اور میڈیکل پروٹوکول پرعمل درآمد کیا گیا۔
ان کا کہنا تھا کہ بعض بچے ماں کے بطن میں طبیعی مدت نو ماہ پوری کرنے سے قبل ہی پیدا ہوگئے ۔تمام بچوں کو اسپتال کے شعبہ اطفال میں رکھا گیا جہاں ان کا ضروری طبی معائنہ کیا گیا اور ان کے کرونا کا شکارنہ ہونے کی تصدیق کے بعد انہیں اسپتال سے گھروں کو بھیجا گیا ہے۔
مدینہ منورہ میں محکمہ صحت نے مقامی شہریوں اور ملکی باشندوں سے کہا کہ وہ کرونا وائرس کی علامات محسوس کرنے کے بعد اپنا طبی معائنہ کرائیں۔ مدینہ منورہ کی النصر، الخالدیہ اور الدعیثہ کالونیوں میں کرونا چیک اپ کے مراکزسے رجوع کرکے معائنہ کرایا جاسکتا ہے۔
