وزیراعظم عمران خان نے توہین رسالت اور اسلاموفوبیا کے معاملے پر مسلم ممالک کے سربراہان کو خط لکھ دیا۔
اپنے خط میں وزیراعظم عمران خان نے توہین رسالت اور اسلاموفوبیا کے خلاف متحد ہونے کی اپیل کی اور کہا کہ وقت کا تقاضہ ہے کہ متحد ہوکر دنیا کو واضح پیغام پہنچائیں۔
وزیراعظم نے لکھا کہ گستاخانہ خاکوں کے خلاف یکجہتی کا مظاہرہ کریں، مغربی دنیا میں اسلامو فوبیا کی بڑھتی ہوئی لہر نظر آرہی ہے، آج ہم امت مسلمہ میں بڑھتی تشویش اور بے چینی کا سامنا کررہے ہیں۔
وزیراعظم عمران خان نے لکھا کہ ہمیں مغرب کو بتانا ہوگا کہ اس گستاخی کی وجہ سے کتنے دکھی ہیں۔
