پشاور میں فائرنگ سے سی ٹی ڈی انسپکٹر خوشدل خان شہید

سنٹرل جیل پشاور کے سامنے نامعلوم افراد کی فائرنگ سے سی ٹی ڈی کا انسپکٹر خوشدل خان شہید جبکہ اے ایس آئی بخت زیب اور افتخار زخمی ہو گیا پشاور کے حساس علاقہ سنٹرل جیل کے قریب نامعلوم افراد نے سی ٹی ڈی انسپکٹر خوشد ل خان کی گاڑی پر اندھا دھند فائرنگ کر دی جس کے نتیجے میں انسپکٹر خوشد ل خان موقع پر شہید ہوگئے جبکہ انکے ساتھ گاڑی میں موجود اے ایس ائی بخت زیب اور افتخار شدید زخمی ہو گئے زخمیوں کو فوری طور پر طبی امداد دینے کے لئے قریبی ہسپتال منتقل کر دیا جبکہ شہید ہونے والے اہلکار کی ڈیڈ باڈی کو بھی پوسٹ مارٹم کے لئے منتقل کر دیا ،واقعہ کے بعد پولیس نے ارد گرد کے علاقوں میں سرچ اپریشن شروع کر دی ہے جبکہ جیل کے قریب لگائے جانے والی خفیہ کیمروں کی ریکارڈنگ بھی حاصل کر لی گئی ہے اندھا دھند فائرنگ سے علاقہ میں شدید خوف وہراس پھیل گیا ہے ، حساس علاقہ میں سی ٹی ڈی انسپکٹر پر فائرنگ نے پولیس کی کارکردگی پر بھی سوالی نشان لگا دیا