پشاور یونیورسٹی میں مالی بحران پر طلبہ کا تحفظات کا اظہار

پشاور یونیورسٹی میں جاری مالی بحران پر طلبہ نے بھی تحفظات کا اظہار کرتے ہوئے صوبائی حکومت سے مطالبہ کیا ہے کہ یونیورسٹی میں مالی بحران کو ختم کرنے کیلئے فوری بیل آوٹ پیکج فراہم کیا جائے جبکہ ایسے اقدامات اٹھائے جائیں تاکہ مستقبل میں مالی بحران کا امکان نہ ہو بصورت دیگر احتجاج پر مجبور ہونگے طلبہ کے مطابق صوبائی حکومت کی عدم توجہ کے باعث تاریخی درسگاہیں تباہی کے دہانے پر پہنچ چکی ہیں جس سے نہ صرف یونیورسٹی کے ملازمین اور فیکلٹی سٹاف متاثر ہو رہا ہے بلکہ طلبہ کی تعلیمی سرگرمیاں بھی متاثر ہو رہی ہیں انہوں نے کہا کہ حالیہ مالی خسارہ کے باعث ملازمین کی تنخواہوں سے کٹوتی افسوس ناک ہے طلبہ نے مطالبہ کیا ہے کہ صوبائی حکومت یونیورسٹی کو مالی بحران سے نکالنے کیلئے بیل آوٹ پیکج دے اور بی اے اور ایم سسٹم بحال کیا جائے واضح رہے کہ یونیورسٹی میں جاری کشیدگی کے باعث یونیورسٹی ٹیچرز ایسو سی ایشن نے یکم فروری سے علامتی ہڑتال کا اعلان کیا ہے جبکہ ملازمین نے تنخواہوں میں کٹوتی کے باعث تنخواہ لینے سے انکار کیا ہے تاہم صوبائی حکومت کی جانب سے پشاور یونیورسٹی کے مالی بحران کے حل کیلئے کوئی واضح اقدامات نہیں اٹھائے گئے ۔